ભેજા ફ્રાય – કૌશિક મહેતા

સ્ત્રીના જીવનમાં સૌથી વધુ એકસાઇટમેન્ટ કયું ? તમે પેલી જાહેરખબર જોઈ હશે કે , જેમાં એક સ્ત્રી બીજી સ્ત્રીની સાડી વધુ સફેદ હોવાના કારણે જલે છે? મેરી સાડી સે ઉસ કી સાડી જ્યાદા સફેદ કૈસે? આ વાતને જરા જુદી રીતે મુકીએ તો મોટાભાગની સ્ત્રી એવી ચર્ચા કરતી હોય છે કે મારા કરતા તો પેલી જાડી છે.....તમે જોજો કોઈ સ્ત્રીને તમે જાડી કહેશો એટલે એમનું મો બગડી જશે. અને એમાં ય કરીના કપૂરની ઝીરો ફિગરની ચર્ચા એટલી થઇ કે હવે કોઈ સ્ત્રી કે યુવતી જાડી થવા ઇચ્છતી નથી. અને હવે તો નરેન્દ્ર મોદીએ પણ આ વાતની પુષ્ટિ કરી છે કે ગુજરાતની યુવતીઓ દૂધ પીવાની એની મમ્મીને ના પાડે છે,એને એના ફિગરની ચિંતા છે. વાત સાચી છે.બધાને કરીના કપૂર કે કેટરીના કેફ બનવું છે, દેખાવું છે.

જાડા લોકોની આમે ય કોઈ કીમત કરતુ નથી.અને છતાં ય દુનિયામાં જાડા લોકોની વસ્તી વધતી જાય છે.અમેરિકાને આ સમસ્યા સાથી વધુ સતાવે છે.ત્યાં એક સર્વે મુજબ ૪૨ ટકા લોકો જાડા છે.અને એમાંય ૩૪ ટકા તો વધુ પડતા જાડીયા છે. અને જાડીયાપણાના કારણે અનેક રોગ થાય છે.હાર્ટ એટેક આવે છે , બ્લડ પ્રેસર વધુ રહે છે.ગોઠણના દુખાવા થાય છે.ડાયાબીટીસ – ૨ થાય છે અને આના કારણે વર્ષે સારવાર પાછળ ૯૦ બિલિયન ડોલર તો માત્ર અમેરિકામાં ખર્ચાય છે. ભારતમાં પણ જાળીયા લોકો જોવા મળે છે પણ આ મુદે અમેરિકા કરતા આપણી હાલત સારી છે.ચાલો એકાદ બાબતે તો આપણે અમેરિકા કરતા માથું ઊંચું કરી શકીએ એવી સ્થિતિમાં તો છીએ!

ખબર નહિ આ જાડાપણું આવે છે ક્યાંથી?કોઈ કહે છે જીન્સમાં હોય છે.વંશ પરમ્પરાગત હોય છે. એમ તો એમ પણ કહેવાય છે કે જાડાપણું દરેકના મેટાબોલીઝમ પર આધારિત છે. એટલે કે વ્યક્તિ વ્યક્તિએ વાત જુદી જુદી લાગુ પડે છે. તમે જોતા શો કે ઘણા માણસો ખાતા બહુ હોય છે પણ એમનું શરીર એકવડિયું હોય છે.અને જાડા માણસો બિચારા ખાય છે ઓછું પણ છતાય એમનું શરીર વધતું જ રહે છે. કોઈ કહે છે ખાન પાન બદલાયા એટલે લોકોમાં ચરબી વધી છે.આજે રવિવાર હોય કે રજાના દિવસો લોકો ઘેર ખાતા જ નથી.હોટેલમાં ડાબે છે.અને ફાસ્ટ ફૂડ કે પછી જંક ફૂડ ખવાય છે.કહે છે કે આજના સુપર માર્કેટમાં ૮૦ ટકા ચીજ એવી હોય છે જે ૧૦૦ વર્ષ પહેલા હતી જ નહિ.

કારનો ઘણા છે અને ઉપાયો એના કરતા ય વધુ છે.અમેરિકામાં તો એમ કહેવ્બાય છે કે ત્રીજું વિશ્વ યુદ્ધ હવે ઓબેસિટી સામે જ થવાનું છે.અરે! ફીડ યોર બ્રેઈન, લૂઝ યોર બેલીના લેખક લેરી મેક્લેરીએ તો એમ કહ્યું છે કે આ ગ્લોબલ વોર્મિંગ માટે જાડીયા લોકો જ જવાબદાર છે.ગુજરાત કુપોષણ માટે વગોવાય છે પણ અમેરિકા માટે કહેવાય છે કે ત્યાં લોકો કુપોષણના કારણે નથી મારતા એટલા તો વધુ પડતા ખાનપાનથી મરે છે.તો કોઈ કહે છે કે આ વોર ઓન ઓબેસિટી એ ડાયેટ કંપનીઓનું તૂત છે. વાત તો સાચી છે ડોક્ટર હવે બહુ બીવડાવે છે .કોઈ સામાન્ય દર્દ માટે દવા લેવા જઈએ એટલે તુરંત કહે કે ભાઈ શરીર ઘટાડો....અને ટીવી પર એડમાં પણ આવી જ શિખામણો અપાતી હોય છે.ડાયેટ વસ્તુ ખાવા માટે લોકો બહુ પૈસા ખર્ચે છે અને સરવાળે શરીર તો ઘટતું જ નથી.અને દર્દ કરતા દવા મોંઘી પડે છે.

ડોક્ટરો પાતળા થવા માટે જાતજાતની પદ્ધતિ સમજાવે છે.શરીર ઘટાડવા માટે ટેબ્લેટ આવે છે, ચા આવે છે અને બીજી કેટલીક દવા આવે છે પણ એનાથી કેત્લાનુઈ શરીર ઉતર્યું? કેટલાક સાધનો પણ બજારમાં મળે છે.એનાથી પણ ચરબી ઘટતી નથી. કસરતથી થાકી ગયા છો તો આ સાધન ઘરમાં વસાવો , રોજ દસ મીનીટ ફાળવો અને થઇ જાવ પાતળા.આવા દાવા કરનારા કદી સાચા ઠરતા નથી.અમ તો આયુર્વેદમાં પણ પાતળા થવા માટેના અનેક નુશખા છે.મેદોહર ગુગલથી શરીર ઉતરે છે પણ પરેજી બહુ પાડવી પડે છે.અને અહી જ બધા બસ ચુકી જાય છે.ડોકટર કે વૈદ્ય જે ના ખાવાનું કહે એ જ ખાવાનું મન થાય છે. એક સલાહ બધા આપે છે કે રોજ સવાર એચાલ્વા જાવ.એમાં વાંધો નથી પણ ચાલીને આવ્યા પછી કકડીને ભૂખ લાગે છે અને નાસ્તો કરતા હોય એનાથી વધુ ખવાઈ જાય છે અને પછી ગાડી આવી જાય છે ઠેરની ઠેર.

નેચરોપથીની પણ બોલબાલા છે.કોઈ કહે છે સવારમાં કોઈ અનાજ ના લેવું.સલાડ ખાવ કે પછી ફ્રુટ ખાવ. જમવામાં ખાતું અને મીઠું એ બંનેથી પરહેઝ રાખો.આ ના ખાવ તે ના ખાવ ...અરે ભલા માણસ તો પછી ખાવું શું? આ તેલ ના ખાવ અને પેલું જ તેલ ખાવ.દિવસમાં ત્રણ ચમચી જ તેલ ખાવ. ક્યારેક તો લાગે કે આ ડોક્ટરો આપણા ગયા જન્મના દુશ્મન તો નહિ હોય ને? લેખિકા ઓલિવિયા મૂને તો જાડીયાઓની ઠેકડી ઉડાડતા કહ્યું છે કે મારું ચાલે તો હું જાળીયા લોકો માટે મોટર ટ્રાન્સપોર્ટ જ બંધ કારાવી દઉં.અને ખાસ ફેટ ટનેલ બનાવું જેમાં જાળીયા લોકો ચાલીને જ જાય.આનાથી બે ફાયદા થશે.એક તો જાળીયા લોકોની ચરબી ઉતરશે અને બીજું ટનેલ બનાવવાના કારણે સેંકડો લોકોને રોજીરોટી મળશે.

જાડીયા લોકોની મજાક બહુ ઉડાવાય છે.ફિલ્મોમાં પણ જાડીયા લોકો હાસ્યને પાત્ર હોય છે. ઘણા કલાકારો જાડા હતા અને છે એના કારણે એમણે કોમેડી રોલ મળ્યા , મળતા રહે છે.અને આમે ય કહેવાય છે કે જાડીયા લોકો મજાકિયા હોય છે, એમની સેન્સ ઓફ હ્યુમર સારી હોય છે.પણ એ બિચારા બીજું કરી શું ય શકે? બહુ બહુ તો હસી શકે! જો કે હસવું અને હસાવવું એ સહેલું કામ નથી, બલકે અઘરું કામ છે.

એક વાત બહુ ખટકે છે, આ રાજકારણીઓને ચરબી બહુ ચઢી જાય છે છતાં એમણે એ નડતી કેમ નથી? બાહુબલીઓના કિસ્સામાં પણ એવું જ બને છે.એ ચરબી કઈક જુદા પ્રકારની હશે.ડોક્ટર કહે છે અમુક ચરબી ય શરીર માટે જરૂરી છે.એમ તો તમે જોજો સાધુઓ મોટાભાગે ભારે શરીરવાળા હશે,સંયમી જીવન છતાં ચરબી કેમ વધતી હશે? અમે એકબ્વાર લખેલું કે....ધર્મગુરુઓને એક ધાર્મિક પ્રશ્ન , તમારા પેટ આટલા મોટા કેમ? અને એક પંક્તિ એવી હતી કે રાજકારણીઓને એક રાજકીય પ્રશ્ન, તમારી ચામડી આટલી જાડી કેમ?

અને છેલ્લે વાંચકો માટે પાતળા થવાની સૌથી સહેલી ટીપ: વજન ઘટાળવા તમારે બસ આટલું જ કરવાનું છે.... પહેલા તમારે માથું ડાબી તરફ ફેરવવાનું.પછી જમણી તરફ ફેરવવાનું. આવું રોજ બે વાર કરો.તમે કહેશો કે શું આટલું કરવાથી શરીર ઉતરી જશે? એમ ઉતાવળા ના થાવ, પહેલા ટીપ પૂરી સાંભળી લોં.ઉપર મુજબની કસરત તમને જમવાની ઓફર થાય ત્યારે કરવાની છે!

દોઢ ડહાપણ : ભૂગોળના સરે પૂછ્યું:આયાત અને નિકાસનું એક ઉદાહરણ આપો.

નટુ બોલ્યો: સોનિયા અને સાનિયા