પ્રેમ છે જો ફૂલછાબ - તો હું કીટપતંગ છું 

પ્રેમ છે જો સાગર- તો હું શાંતતરંગ છું 

કયાંથી પામી સકું એની લાગણીનો તાગ

પ્રેમ છે જો ગગન - તો હું પામર વિહંગ છું

એથી વધુ નિકટતા ક્યાં રાધા પાસે હતી?

પ્રેમ છે જો  ઘનશ્યામ - તો હું નીલરંગ છું

કડવાશ માટે દોષી છે મારાં એ અનુભવોને

પ્રેમ છે  પ્રીતિકાવ્ય - તો હું તાતોવ્યંગ છું

એની હજુરી, એની ચાકરી, એનાં ગુણ ગાતો

પ્રેમ છે જો શાહ અકબર - તો હું કવિગંગ…

તારી યાદ આવી - જલસો પડી ગયો



મનને પાંખ આવી - જલસો પડી ગયો



કેશ ઘેરાયેલ છે - એની સાબિતી રૂપ



અમાસ રાત આવી - જલસો પડી ગયો



ફરી પાછો જો કેવો - બાળક બની ગયો



ઢીંગલી હાથ આવી - જલસો પડી ગયો

શ્વાસમાં કોયલ ટહુકે - મન મોરલો નાચે     

પ્રેમની વાત આવી - જલસો પડી ગયો

સોદો કર્યો દિલનો - તો ભાગમાં મારા

ભીની આંખ આવી - જલસો પડી ગયો

મનમાં હતું તાળું - સદૈવ આનંદનું

મનમાં મળી ચાવી - જલસો પડી ગયો

મારી ગઝલ આપને - ખુબ…

બંધ કરી આંખો તો ભિતર - આખું મલક ટોળે વળ્યું,

સુણવા મૌનનો એક સ્વર - આખું  મલક ટોળે વળ્યું 

રોતોતો હું જ્યાં લગણ, ન  કોઈ ફરક્યું પાસ પણ

આજ હસ્યો બસ રતિભર - આખું  મલક ટોળે વળ્યું 

જોતો હતો ટેરવાં કાપી - લોહી નીકળે કે પછી શબ્દો 

પ્રયોગ એ જોવા નવતર - આખું  મલક ટોળે વળ્યું

કરતો તો જયારે પ્રતીક્ષા - મારા ઘરે ન કોઈ આવ્યું

નીકળ્યો જેવો ઘર બાહર - આખું મલક ટોળે વળ્યું 

ટોળામાં જો  ના ભળી શકો - તો ટોળાને શું પડે ફરક

હળીમળી લ્યો તમે પલભર -…

સંગાથ    તારો  -  મળે ના મળે 

ભવનો સથવારો - મળે ના મળે

તેથી તો આપ્યો  છે આંખો માંહી

 દરિયો ખારો  -  મળે ના મળે 

હોઠ ભીંસવાની તૈયારી રાખજો 

બોલવાનો વારો - મળે ના મળે 

ગાંસડી ભરી લ્યો,રાહમાં તમને

સ્વપ્નનો ચારો - મળે ના મળે 

આશા વડે તો લીંપજો ઘર તમે

માટી કે ગારો - મળે ના મળે 

શબ્દની રમત બસ રમ્યા કરું 

કોઈ જોનારો - મળે ના મળે 

પહોંચવા મંઝીલે, ચાલતા રહો

ધ્રુવનો તારો - મળે ના મળે 

તું તો દોસ્ત - પત્ર…

પ્રાતસ્મરણીય પરમ પૂજ્ય ધર્મ ધુરંધર આત્મજ્ઞાની સંત શ્રી હેમાંગ નાયક રચિત આ ભજન રોજ ત્રણ વાર પત્ની સન્મુખ બેસીને ગાવાથી પરણેલા પુરુષો આ લોક અને પરલોકમાં પરમ શાંતિ ને પ્રાપ્ત થાય છે

(ગમે તો તમારા અન્યો પરણેલા મિત્રો જોડે share કરવા વિનંતી)

જય પત્ની દેવી,ઓમ જય પત્ની દેવી,

ચરણો દાબી તારા (2),સુખ શાંતિ લેવી;

......ઓમ જય પત્ની દેવી 

તારી કૃપા ના થાતે, મરતે હું વાંઢો દેવી (2)

પરણી ને છો રોતો (2), કોઠીમાં મોં ઘાલી

......ઓમ જય…

આવો પધારો મારી યાદોમાં - આપનું હાર્દિક સ્વાગત છે

અમે ઉભા ફેલાવી બાહોમાં - આપનું હાર્દિક સ્વાગત છે

તમને જીતાડવા અમે હંમેશા - જીતેલ બાજી ફેંકતા રહ્યા

સામેથી માંગેલી એ હારોમાં - આપનું હાર્દિક સ્વાગત છે

ક્યાંથી લાવું પોંખવા તમને  - હું  ખેતર - બાગ - બગીચા 

વાદળો,આ ડામરની રાહોમાં - આપનું હાર્દિક સ્વાગત છે

રંગીન ફૂલ બનીને આવો તો - આવકારશે આંખો અને

મહેકરૂપે આવોતો શ્વાસોમાં - આપનું હાર્દિક સ્વાગત છે

કાજળરૂપી…

આવ તું વાદળસમ પ્રિયે વરસાદમાં

મન મોરલો જો ટહુકા કરે વરસાદમાં

શું ફરક એના અને કોઈ લાશમાં પછી

માનવી જે ન નાચે પહેલા વરસાદમાં

ભાસતી જે હતી કાલ સુધી અંગારસમ

ધરતી આજ ચંદન ભાસે છે વરસાદમાં

જરૂર શું તારા પાલવની  અમને હવે?

આશુંઓ ભળી જશે વરસતા વરસાદમાં

ભજિયાં, ચા અને મિત્રો જાય જો મળી

સાકી તું કયાંથી  સાંભરે તો વરસાદમાં 

મળવા ન મુજને કેમ તું ધસમસતી આવે ?

યાદોમાં મારી તો કાયમ હણહણતી આવે !

કાગળ કલમ ને ટેરવાં તૈયાર થઇ જાઓ 

ગઝલ રૂપે શબ્દસરિતા છલછલતી આવે 

આંખો અંજાઈ જશે તમારી એ ખાતરી મને 

નજરે જો એ રૂપની રાણી ઝળહળતી આવે

એટલી ટાઢક વળે હૈયે એક તારા સ્પર્શથી 

ઉનાળે જાણે પોષની ટાઢ કડકડતી આવે 

હોય સાવ ખોટી તોય પણ આવકારું એને

આપણા મિલનની અફવા હડહડતી આવે

કો'ક ના ભાગ્યમાં આવે મૌન લાગણીઓ

કો'ક નસીબે…

જાત છીએ

ખરેખર અમે સાવ કેવી અજબની જાત છીએ

ગઝલના નામે બદનામ શબદની જાત છીએ 

ઝાંઝવાને અમે દરિયો ધારી પીધાં એકીશ્વાસ

રણમાં ઉગતી કાંટાળી તરસની જાત છીએ 

જેવું તમે વરતો મુજથી તેવું  અમે વરતીએ 

કદી જલતા અંગાર કદી બરફની જાત છીએ

મિત્રો મારા દીસે જો મઘમઘતી મીઠાઈસમ  

અમે વળગેલી  રૂપેરી વરખની જાત છીએ

ચોળી ભસમ તારા નામની ને ઉભા બજારમાં

પ્રેમી નામે જગજાણીતી અલખની જાત…

ઓધવ કહે આખા  ગોકુલ ગામની મરજી 

જાવું સંગકે રહેવું દ્વારિકા શ્યામની મરજી 

શબરી વિસરી પ્રેમમાં એઠાં જૂઠાંનું ભાન  

પ્રેમથી બોર ખાધાં  એતો  રામની મરજી

વિસ્તરતું શહેર એક દિ એને ગળી જશે

 ગામને ગમે કે ન ગમે ગામની મરજી 

શોખ છે ગાંડો લખવાનો તેથી જ લખું છું

નથી ચાહી તારીફ કે નથી નામની મરજી

 સતત જીતવાની દોડમાં થાકી ગયો છું 

કફન ઓઢી સુતો હવે આરામની મરજી 

~~ હેમાંગ નાયક ~~

શું ફરક પડે 

તું સ્પર્શે મને કે પછી તને હું અડું - શું ફરક પડે કોઈને શું ફરક પડે

ચડે તું પ્રિતની રીતમાં કે હું ચડું - શું ફરક પડે કોઈને શું ફરક પડે

કાચબા સમ હું પ્રણય સ્વિકારમાં - ને તું તો જાણે સસલાંની જાત

તું પહેલી પડે પ્રેમમાં કે હું પડું - શું ફરક પડે કોઈને શું ફરક પડે

ઝુલ્ફોના દરિયામાં સાંજે ડૂબ્યો - ને વાત ચર્ચાઈ આખા આલમમાં

છો સવારે તારી આંખોમાં હું જડું - શું ફરક પડે કોઈને શું ફરક…

મનમાં મહેકતી મુરત તારી ખોવી નથી 

આંખો ખોલી તેથી - તુજને જોવી નથી

કદાચ પલળી જાય કંઇક મિલનના સપના

આંસુ વહાવી તેથી આંખોને ધોવી નથી 

પ્રેમ સબંધેતો મીરાં નરસિંહની જાતના અમે

છો એના નામની માળા ડોકમાં પરોવી નથી 

ખીજવે - પજવે - દુભવે - રહી દુર એ મુજથી 

તેથી ઈચ્છું જોવા સતત - ને છતાં જોવી નથી 

બોલતે નારી સિતમ વિષે તો  ખુદા લજવાતે  

ચુપ રહ્યો પણ ખુદાની ખુદાઈ વગોવી નથી

માપમાંજ શોભે બધું…

સાવ તો ન ભૂલ મુજને - કો'ક દિ તો યાદ કર;

શબ્દ જો ન સૂઝે તુજને - મૌનથી સંવાદ કર

તને ચાહી એટલી મેં - ખુદને પણ ચાહી નથી;

ક્યાં તો માનીલે વાત - ક્યાં પછી વિવાદ કર 

ગમે તેવા હો દિવસો - તારાં જ હાથ માં છે ;

યા તો કરી લે મોજ - યા તો પછી ફરીયાદ કર 

તારો ખુદા તો તુજથી - ક્યાં દુર છે કોઈ પળ 

ચાહે મસ્જીદ માં પોકાર - કે મયકદામાં યાદ કર

આવશે એ નક્કી કાન્હો  ચીર પુરવા આજ પણ

શરત છે એટલી કે તું - દ્રૌપદીસમ સાદ…