ઝમકું ડોશીને અને સપનાઓ ————– દીપક ત્રિવેદી

ઝમકું ડોશીને પૂછો કે સપના કેવાં લાગે ?

ઝમકું ડોશી એમ ભણે કે પરિયું જેવા લાગે !

સપનાને ઉલાળો તો સપના થૈ જાતા વાદળ !

આંગળિયુંમાં બાંધો તો ભૈ સપના કંકુકાગળ !

સપનાનું ચાંદરડું લેવા ઝમકું ડોશી ભાગે !

ઝમકું ડોશીને પૂછો કે સપના કેવાં લાગે ?

સપનાને પંપાળો તો સપનાને ઉગે મૂછો !!

મારા રોયા ! સપના વિશે કાંય મને ના પૂછો !

નીંદરમાંથી ઉઠી સપના દરિયો પીવા માગે !

ઝમકું ડોશીને પૂછો કે સપના કેવાં લાગે…

તંબૂરો + ટપુભગત = વિષકન્યા ——— દીપક ત્રિવેદી

ટપુભગતને તંબૂરાનો શોખ ભયંકર લાગ્યો !

પડઘો પડશે તો કહેશે કે અવાજ આવ્યો ગેબી !

સપનામાં પણ છળી ઊઠશે જોતાં એક જલેબી !!

ટપુભગતનો જીવ અભાગી રહી રહીને જાગ્યો !

ટપુભગતને તંબૂરાનો શોખ ભયંકર લાગ્યો !

દરિયો તરવા ટપુ ભગત તંબૂરો હા ‘ રે લેશે….

‘ તું હી મેરા જીવનસાથી ‘ તંબૂરાને કે ‘ શે ….

આમ છતાંયે ટપુભગતને જીવતરકાંઠો વાગ્યો !

ટપુભગતને તંબૂરાનો શોખ ભયંકર લાગ્યો !

વિષકન્યાએ ટપુભગતને ચોક વચાળે પીધાં…

સપનાપુરાણ————–દીપક ત્રિવેદી

ગઢનો દરવાજો ખોલ્યો – ને – સપનાં હુડૂડૂડૂહુસ !

મને શૂટ – બૂટમાં દેખીને કરતાં રે ગુસપુસ !

એક ઘોડાનું સપનું મહેંદીલા હાથેથી ઊડ્યું !

માંડ માંડ કેડેથી ઝાલી પાછું એને ગુડ્યું !

મારા હાળા ! સપનાં છીંડુ દેખી કરતા ઘુસ !

સપનાં હુડૂડૂડૂહુસ !!

ગઢનો દરવાજો ખોલ્યો – ને – સપનાં હુડૂડૂડૂહુસ !

વળી એક ઊંધામણના સપનાને પાંખો ફૂટી !

જંતરમંતર હું બોલ્યો ને ગધની પાંખો તૂટી !

મને આંટતા સપના લઘરાંવઘરાં મખ્ખીચુસ !

સપનાં…

તારી આંખમાં જોયેલ ચોમાસાનું ગીત ———-દીપક ત્રિવેદી

હાય રે ! તારી આંખમાં મોતીસેર !

હાય રે ! હું તો દોડતો ઝડપભેર !

અલપઝલપ વીંઝતો જાતો …..વીંધતો જાતો …..

સપનાઓનાં ….. ઘટનાઓનાં ઝાંઝરિયાળા દેશ …….!

અલકમલક પૂછવા દોડું ….. ભાગવા દોડું ….

જાણે ઉડી આંખમાં વાગે પદમણીનો વેશ …..!

હાય રે ! આખા ચોકમાં વેરવિખેર !

હાય રે ! હું તો દોડતો ઝડપભેર !

હાલકડોલક છાલક વાગી …… આંખમાં વાગી ……

આંખ વચ્ચેના ગામમાં વાગી …. ગામના લોકો ગુમ !

લટકમટક નદિયું ડોલી …. ચૂડલી…

ઇન્ગ્રેચીમાં કરજો ———–દીપક ત્રિવેદી

ઇન્ગ્રેચીમાં કરજો મારા શ્વાસોનો તરજુમો !

ગુજરાતીમાં નૈ ઊકલે રે અક્ષર અક્ષર ડૂમો !

ઇન્ગ્રેચીમાં ડૂસકાં ન ફાવે તો રે’વા દેજો …

ગુજરાતીમાં ઈ અક્ષરને સાત સલામી દેજો !

સપનાં ટોળા – મોઢે રેતીમાં છે ચૂમો – ચૂમો !

ગુજરાતીમાં નૈ ઊકલે રે અક્ષર અક્ષર ડૂમો !

ઇન્ગ્રેચીમાં આંસુ ટીઅરગેસ થઈને નડશે !

ગુજરાતીમાં આંસુ ઝાકળ – ધુમ્મસ થઇ નીતરશે !

રસ્તો – બસ્તો ગુમ થાય તો કેડી – કેડી ઘૂમો !

ઇન્ગ્રેચીમાં કરજો મારા શ્વાસોનો…

કવિતા પર જુલમ કરતા કવિને ——– દીપક ત્રિવેદી

શબ્દચોકમાં સળગાવો રે મીણબતી વણઝાર

એક કવિતા દોડી ગઈ સમદરની પેલે પાર

દરિયાને પૂછ્યું તો દરિયો અંગુઠો બતલાવે

વ્રુક્ષ – પર્ણ પણ મુંગામંતર બિન પાણી મર જાવે

હાથવેંતમાં લઇ આવો ઝાંઝરિયાનો આધાર

એક કવિતા દોડી ગઈ સમદરની પેલે પાર

હશે સામને કાંઠે કે ધરતીમાં ગઈ સમાઈ ?

રજવાડી શબ્દોની અંદર ડૂસકાતી પરછાઇ !!

પડછાયામાં હોઈ શકે ના પગલાંનો આધાર !

એક કવિતા દોડી ગઈ સમદરની પેલે પાર !

અરધો કાંઠો ડહોળો કે અમૃતનો…

મેળો ———— દીપક ત્રિવેદી

હૈયે – હૈયું દળાય છે …. હાલ ….. હાલ ….. હાલ ….

મનખ મેળો ભરાય છે …. હાલ ….. હાલ ….. હાલ ….

ચકડોળે ચડ્યાં કે ચડ્યાં આકાશમાં ….

ઈચ્છાના ગુબ્બારાં છોડ્યા કંઈ આશમાં …..

વા ‘ માલીપા વાય છે …. હાલ ….. હાલ ….. હાલ ….

હૈયે – હૈયું દળાય છે …. હાલ ….. હાલ ….. હાલ ….

કોઈ પકડે કરતાલ , કોઈ બેસુરાં તાલ ….

કોઈ નમણીનાં ગાલ પરે ઢોળે છે વ્હાલ ….

કોઈ છલછલ છલકાય છે …. હાલ ….. હાલ ….. હાલ ….

હૈયે – હૈયું દળાય છે …. હાલ ….. હાલ ….. હાલ…

જામનગરવાસીનું પ્રણયગીત ———–દીપક ત્રિવેદી

સપના ! તારી આંખો જાણે જામનગરનું પૂર — અમે હોબ્બેસ તણાયા છેક વચ્ચોવચ્ચ દરિયે !

સપના ! તારા શ્વાસે ટપકે પંચવટી ચોપાસ — અમે તો .. હે .. ય .. તણાયા મઘમઘતી ઘૂઘરિયે !

પવન ચક્કીનો પવન સમયસર વા’ય — અને જો તમે ઉડો આકાશ — લઇ જાજો રે કાગળ સખીયન …. !

પંચેશ્વરનો પડઘો જો પડઘાય–અચાનક શ્રીબાલાહનુમાન આપણા થાય–લઇ જાજો રે શ્રીફળ સખીયન..!

સપના ! તારા રણજિત રસ્તે નાગમતીનું ગામ — અમે તો .. એ .. ય .. તણાયા નાગમતીને તળિયે !

થાક ચડે તો મૂકો…

મુંબઈનગરીમાં ભૂલા પડેલા વા’લાજી ———દીપક ત્રિવેદી

મુંબઈ નામે નગરીમાં વ્હાલાજી ઝોલાં ખાય ….

ફૂલપદમણી જેવી છોરી જોઈ જોઈ મલકાય .. !

અરધે – કાંઠે લપસી પડતાં બોલે ‘ મેડમ સોરી ‘ !

‘ થેન્કયૂ , મેન્શન નોટ ‘ કહીને રણકે મુંબઈ ગોરી !

ચશ્મા પહેરી દરિયામાં વ્હાલાજી ગીતો ગાય !

મુંબઈ નામે નગરીમાં વ્હાલાજી ઝોલાં ખાય ….

ક્યાં મળશે જળનદી અમોને ક્યાં મળશે પગથાર ?

ઝુંપડપટ્ટીમાં જોયેલાં સપના પારાવાર …..!

જળવત જીવી જાવામાં વ્હાલાજી વરસી જાય !!

મુંબઈ નામે…

હું હરખપદુડી છોરી ….! ————દીપક ત્રિવેદી

હું હરખપદુડી છોરી ….!
હું ઝાલું રેશમ – દોરી ….!
હું આંખે આંજુ તમને ….
હું શું પૂછું સાજનને ….?
હું પરથમથી કટ્ટકોરી !
હું હરખપદુડી છોરી !
ઈ તડકેથી સંચરવું ;
ઈ આંખોમાં જળ ભરવું …
હું ગુલમહોરોમાં મ્હોરી !
હું હરખપદુડી છોરી ….!
આ શ્વાસ કિંયા પાથરવા ?
આ અશ્રુઓ ક્યાં ધરવા ?
હું હરખુડી નસ – ધોરી !
હું હરખપદુડી છોરી !!

————દીપક ત્રિવેદી

પહેલો વરસાદ ———–દીપક ત્રિવેદી

મને પહેલાં વરસાદમાં પલળવું ગમે
મને તારી સાથે એમ મળવું ગમે

તારી આંખોમાં હોય સાત – દ્વારિકા ગામ
એક તારું રટણ કૈંક તારું છે નામ

મને કંચનજંઘાથી ખળખળવું ગમે
મને તારી સાથે એમ મળવું ગમે

મારી આંગળિયે ઓચિંતા સપના ફૂટેલાં
વળી ઓસરિયે મોરલાના ટહૂકાં ઝીલેલાં

મને તારા કાંઠેથી ઝળહળવું ગમે
મને તારી સાથે એમ મળવું ગમે

———–દીપક ત્રિવેદી

ચુંદડી ભીંજાણી નૈ —————-દીપક ત્રિવેદી

ચુંદડી ભીંજાણી નૈ ……

ગગરિયા છલકાણી નૈ …..

નજરની સોંસરવા જઈ

નજરિયા મંડાણી નૈ ….

ઊઘડતો શ્રાવણ કોરો …. ધૂળની ડમરી ઉડે !

ઘૂંઘરું પાસે ઝુકી … ભ્રમરની પંખો બૂડે !

નદીનાં રેતલ કાંઠે

હજૂ હું મુંઝાણી નૈ ….

ચુંદડી ભીંજાણી નૈ ……

ગગરિયા છલકાણી નૈ …..

દેહના ગુંબજ ઉપર …. નથી ખાબકતી હેલી …..

શરમ કે સાચુકલાં પણ નથી વીંટળાતી વેલી !

હરખને પડખામાં લઇ

મુઈ હું હરખાણી નૈ ….

ચુંદડી ભીંજાણી નૈ…

લાવ ચીતરું હથેળીમાં———દીપક ત્રિવેદી

લાવ , ચીતરું હથેળીમાં દરિયો …

એક દરિયો , જે મારામાં ભરિયો …

એક મોજામાં નામ – સરનામું લખીશ ;

રેત – કાંઠાનું ગામ પરબારું લખીશ ….

અંગ – અંગના મરોડે પાથરિયો ,

એક દરિયો , જે મારામાં ભરિયો …

છીપ, મોતી, પરવાળાં, હલ્લેસું, હોડી …

આવ , કાંઠાના બંધનને સઘળાં તરછોડી ..

છેક નભમાંથી ઘરમાં ઊતરિયો ,

એક દરિયો , જે મારામાં ભરિયો …

જળ ઊછળે તો છાલકને ઝીલી લઈશ

તારા દોમ – દોમ વ્હાલપમાં ગાંડી થઈશ

સાવ ઘરના ઉંબરમાં…

ચંદનતલાવડીમાં ...  ----------દીપક ત્રિવેદી



ચંદન  તલાવડીમાં  અઢળક  શ્રાવણ  મુશળધાર --

                         -- કે રૂમઝૂમ  કંકણનું  ઝૂમખડું ...

                         -- કે ઝલમલ  કંકણનું  ઝૂમખડું ..

રેશમની   દોરીના   છેડે   બાંધ્યો   ઝરમર  ભાર -

                         -- કે ઝમરખ   કંકણનું  ઝૂમખડું ..

                         --  ઝળહળ     કંકણનું  ઝૂમખડું…

કુંવારા  મનનું  ગીત  ---------દીપક ત્રિવેદી



માઝમ - રાતે    પંખો    ફૂટી

                               પાંખો         રાતીચોળ  ....  બોલે   ટીટોડો !

ગામ  સફાળું   હાલક - ડોલક

                                પાદર  ગોળ - મટોળ ...   બોલે   ટીટોડો !

સવ્વામણના   ગીત    ઉઘલે

                                ગીતો      ઝાકમઝોળ ...  બોલે   ટીટોડો !

એક    હથેળી  -  કાંઠા  …

ઉજાગરા + વાયરા = અશ્રુવન -------દીપક ત્રિવેદી

આંખોમાં લઈને ઉજાગરા

ભટકે છે શ્વાસો બહાવરા

કહી દો તો ખોબલિયે દેશું અરમાનો

-- ને કહેશો તો આંખોનાં વન

મોરપિચ્છ આવે તો ટહૂકા પથરાશે

-- ને સાથિયાઓ પૂરશે કવન ....

અમથા ન થાઓ કઈ આકરા

આંખોમાં લઈને ઉજાગરા ...

માગો તો મો ' લાતું આપી યે દઈએ

-- ને આપીએ અમારા રીસામણાં !

તમને રીઝવવા તો , ગોકુળના ગિરધારી

-- રાખ્યા છે દિવસો સોહામણાં !

ફુંકાશે રોમ - રોમ વાયરા !

આંખોમાં લઈને ઉજાગરા…

મારી આંગળીનો નખ ————દીપક ત્રિવેદી

–માળું કૈંક નવીન થાવાનું ———દીપક ત્રિવેદી



રસ્તા વચ્ચે ધૂળ ઉડે ને ધૂળમહીં ડમરીમાં ઉડે ધુમ્મસ જેવી છોરી …માળું કૈંક નવીન થાવાનું …!!

પંદર દિ ‘ થી ધુમરા લેતો ઓરસચોરસ દરિયો પૂછે આંખ્યુંને ફંફોરી … માળું કૈંક નવીન થાવાનું …!!



ઘરમેળે ઉકલ્યું ના કાંઈ છાનુંછપનું થયું છમકલું …હચમચ રુએ આંસુ …બાંધો ધજાપતાકા બાંધો !

વીસ વરસનો ઘાવ ઉઘાડો ઉછળે મેઘધનુષી પળમાં લઇ આવો ચોમાસું …બાંધો ધજાપતાકા બાંધો…

પડઘો સવા લાખનો----------દીપક ત્રિવેદી

એક રે ગગન ગુંજતો પડઘો સવા લાખનો ....કોઈ ઝીલો રે.... કોઈ ઝીલો ...!!

પર્ણ-પર્ણમાં ઝીંકાતો વરસાદ----દીપક ત્રિવેદી 

પર્ણ-પર્ણમાં ઝીંકાતો વરસાદ

તમે મુકતા જાતા એમાં થોડેરો ઉન્માદ !!

વાદળછાયાં ગામ-શેરિયું અને મલકતાં ચહેરાનો રઘવાટ

પવન પંડમાં પહેરી ઉભા પછી ઉંબરે ઝૂલે હિંડોળા-ખાંટ... 

ઝીર્ણ-શીર્ણ તરસ્યુંને કરતો બાદ 

નહીં ઉઘડતા ફૂલોમાં પણ કલરવભીનો વાદ...

ઘૂંટી ઘૂંટીને પાઈ દીધા છે અલકમલકનાં અજવાળાં બેફામ 

જાણે માથે હાથ મુકવા અહીં આવતા દોડીને ઘનશ્યામ !!

અંગ-અંગની…