નામ - અટક : ચંદ્રકાંત બક્ષી

જન્મતારીખ: ૨૦ ઓગસ્ટ, ૧૯૩૨. પાલનપુર

પિતા-માતાનું નામ: કેશવલાલ બક્ષી - ચંચળબેન બક્ષી

મૂળ વતન: પાલનપુર

ડિગ્રી-ઉપાધિ: એમ. એ., એલએલ.બી.

વ્યવસાય: નિવૃત્ત આચાર્ય/શેરિફ(મુંબઈ), લેખન.

જીવનસાથી: બકુલા બક્ષી

સંતાન: રીવા

વજન: ૬૦ કિલો

ઊંચાઈ: ૫` ૫"

સ્વભાવ: મજેદાર

હોબી: જીવન

અતિપ્રિય વ્યક્તિ: પત્ની બકુલા/ પુત્રી રીવા

વ્યસન: હતાં!

આદર્શ(રોલમોડેલ): જટાયુ

પહેરવેશ? ખાદી પહેરવી ગમે?: સ્વેડ શુઝ, ડાર્ક મોજાં, વુલન પેન્ટ, સફેદ શર્ટ, બ્લ્યુ બ્લેઝર, ટુટલની ટાઈ. ખાદી ન ગમે.

પ્રિય ભોજન: તમામ તામસિક ભોજન-પીણા!

પ્રિય મુખવાસ: લવિંગ.

તમારો તકિયાકલામ: 'યુ આર રાઈટ!'

ગમતી હિરોઈન: ઇટાલિયન અભિનેત્રી - એના મેગ્નેની.

ગમતો હીરો: રાજકપૂર.

મનપસંદ રાજનેતા: જવાહરલાલ નેહરુ.

ડિપ્રેશન આવે?: નેવર.

લગ્ન એટલે શું?: સમર્પણ.

પ્રેમ એટલે શું?: અન્યની ખબીઓનો પણ સારાઈ જેટલો જ ખેલદિલી સ્વીકાર.

ઘેલછા કહી શકાય તેવો શોખ: બધા જ શોખ મારા કબજામાં હોય છે. શોખને માલિક બનવા દેતો નથી.

સૌથી વધુ ખુશ ક્યારે થાઓ છો?: રાત્રે થાકીને પથારીમાં સૂતી વખતે.

કોઈ વહેમ ખરો: ના.

અન્યના વ્યક્તિત્વની કઈ ખૂબીઓ ગમે?: ઈમાનદારી - પારદર્શકતા.

સર્જનમાં કોઈ પ્રેરણામૂર્તિ હતાં? છે?: નર્મદ, મેઘાણી અને ક.મા. મુનશીને હું મારા પૂર્વજો માનું છું.

અંગત પુસ્તકાલયમાં કેટલી કિતાબો છે?: અસંખ્ય.

સર્વપ્રથમ મૌલિક પ્રકાશિત કૃતિનું નામ: 'મકાનનું ભૂત' - ૧૯૫૧માં કુમારમાં પ્રગટ થઇ.

સવારે લખો કે મોડી રાત સુધી: ભૂતકાળમાં રાતોની રાતો લખ્યું છે - મોડે સુધી.

અવાજો વચ્ચે, પ્રવાસ દરમ્યાન કે એકાંતમાં લખવું ફાવે?: એકાંતમાં.

લેખન માટે કોઈ ખાસ સ્થળવિશેષ: મારું ડાઈનિગ ટેબલ.

છેલ્લી નકલ પૂર્વે કેટલી વાર લખો છો?: પહેલીવાર - છેલ્લીવાર!

કઈ કઈ કૃતિઓથી કીર્તિ મળી?: પેરેલિસીસ અને મહાજાતિ ગુજરાતી અને બધી જ....!

કેટલા સાહિત્યપ્રકારો, લેખનપ્રકારો અજમાવ્યા?: વાર્તા, નવલકથા, નિબંધ, ઇતિહાસ, નાટક, પત્રકારત્વ અને કાવ્ય પણ!

પ્રસિદ્ધ પુસ્તકોની સંખ્યા: ૧૨૭

પ્રિય લેખકોનાં નામ: દર બે-ચાર વર્ષે બદલાતાં રહે છે. જુવાનીમાં હેમિંગ્વે ગમતો. હવે લેટીન અમેરિકાનાં નવલકથાકારો ગ્રબ્રીયલ ગાર્સિયા, માર્કવેમ મારિયો, વારગાસ ગ્રોસા, ઈઝાબેલ એજેન્ડે વધારે.

આપની શ્રેષ્ઠ કૃતિઓ: બધી જ. શ્રેષ્ઠતમ હવે આવશે.

માનઅકરામ: I am the highest paid author in Gujarati literature.

લેખનમાં ન હોત તો ક્યાં હોત?: ગુજરાતમાં શરાબનું બુટલેગિગ કરતો હોત. આટલો બધો નફો કદાચ બીજા કોઈ ધંધામાં નહીં હોત.

સિનેમા, ટીવી, ઇન્ટરનેટ જેવાં માધ્યમોના આક્રમણથી સાહિત્યસર્જનનો પ્રભાવ ભવિષ્યમાં ઘટશે?: ના.

મનપસંદ ટીવી કાર્યક્રમ: નેશનલ જિઓગ્રાફિક, ડિસ્કવરી, એનિમલ પ્લાનેટ. મને ટીવી પર જંગલોની, સમંદરની, આકાશની દુનિયા જોવી ગમે છે.

મનપસંદ કમર્શિયલ(જાહેરખબર): વર્ષો પહેલા 'લાઈફ'માં છેલ્લા પાનાની અત્યંત મોઘીં જાહેરખબર, જેમાં આખું પાનું કોરું હતું. નીચે ફક્ત એક જ લાઈન લખી હતી: 'સોરી, અમે અમારી દસ લાખની મર્સીડીઝ કાર હમણાં જ વેચી નાખી!

વાંચન માટે વખત બચે છે? આજકાલ શું વાંચો છો?: ગેબ્રિયલ માર્ક્વ્ઝની '100 years of solitude'.

તમારી સૌથી કડક ટીકા કોણે કરી છે?: મારી ટીકા? અને તે પણ કડક!!

ભાવકો સાથે કેવો સંબંધ છે?: વાચક માલિક છે! મારા યાર-બાદશાહો છે!

સાહિત્ય તમારા માટે ..............છે: આત્માનો એક્સ-રે!

ગમેલી એક ઉત્તમ ફિલ્મ: હિરોશિમા, મો આમુર! (French film)

સ્વદેશ-વિદેશમાં પર્યટનો-પ્રવાસ કેટલાં થયાં?: ઘણાં બધાં. ગણતરી રાખી નથી.

કયું વાહન વાપરો છો?: હ્યુન્ડાઈ એકશ્ન્ટ કાર.

ગમતાં દૈનિક-સામાયિકનું નામ: દિવ્ય ભાસ્કર, ચિત્રલેખા, ધ વીક, ઓઉટ્લૂક.

ગુસ્સો ક્યારે આવે?: દાવપેચ રમાતા હોય ત્યારે. નાની વાતમાં જુઠાણું સાંભળું ત્યારે.

એક ચોરી માફ કરવામાં આવે તો શું ચોરવું પસંદ કરશો?: હું 'ચોરી' કરું નહિ, કરું તો માફી ણ માંગું, સજા માગી લઉં.

કોઈની તસ્વીર બેડરૂમમાં રાખો છો?: મારા પરિવારની.

ઈશ્વરમાં માનો છો? ક્યારે યાદ આવે?: હા. યાદ અંગત છે.

જીવનમાં પાછું વાળીને નજર નાંખો, એક સાક્ષી તરીકે શું દેખાય છે?: .....અને એક સાંજે હું ચાલ્યો જઈશ ધુમાડો પેહરીને..........ફક્ત બાલ્કનીનાં તડકામાં મારો સલ્ફ્યુરિક મિજાજ તરતો હશે!

છેલ્લે ક્યારે રડેલા?: ૪૭ વર્ષનાં દાંપત્યજીવન પછી પત્ની બકુલના શરીરને ઇલેક્ટ્રિક ક્રીમેટોરિયમમાં અગ્નિની શિખાઓને સોંપી ત્યારે.

કઈ ચીજનો સૌથી વધુ ડર લાગે?: મૃત્યુ પેહલાંની લાંબી, અસહાય કરી મૂકે તેવી બીમારીનો.

મૃત્યુ વિશે શું વિચારો છો?: જીવન અને મૃત્યુ વિશેની મારી સમજ બહુ સરળ છે. વહેતું પાણી છે. પાણીમાં બરફનો ટુકડો તરી રહ્યો છે. બરફની અંદર બંધ પાણી છે. એક દિવસ બરફની કેદમાંથી પાણી મુક્ત થશે. એક દિવસ અંદરનું બંધ પાણી બહારના વહેતા પાણીમાં ડૂબી જશે. કદાચ એને જ મૃત્યુ કેહતા હશે, મુક્તિનું બીજું નામ.

જીવન પાસે શી અપેક્ષા છે?: બસ, એક જ. મરતાં પહેલાં, આંખોની કીકીઓ સ્થિર થઇ જાય એ પહેલાં, ભગવાન થોડો સમય શુદ્ધિમાં રેહવા દે તો સારું. પરપોટો ફૂટતાં પહેલાં તડકો એ પરપોટા પર સાત રંગોમાં જરા નાચી લે તો સારું, આંખો ખુશીની ઝિલમિલમાં જરા ભીની થઇ જાય તો સારું....

સંતાનને પુરતો સમય આપ્યો છે?: સંપૂર્ણ.

દેશ વિશે શું વિચારો છો?: બહુ જ ઉજ્જવળ ભવિષ્ય છે.

આપની સફળતાનું રહસ્ય: જ્યોતિષીઓ પાસે ક્યારે ગયો નથી. આંતરિક મર્દાનગી, માર ખાતા રેહવાની જબરદસ્ત ટીનોસિટી. ઝનૂન.

અન્ય લોકોને આપવા ઈચ્છતા હો તેવો સંદેશ: સંદેશ આપવા જેટલો મહાન અને દંભી હું થયો નથી. થઈશ પણ નહિ.

જીવનનો મુદ્રાલેખ: It should be good so long it lasts!

તમારા વિશે તમારા પોતાનો અભિપ્રાય: માણસ દિલદાર હતો!

તમારી જિંદગીને એક વાક્યમાં વર્ણવી હોય તો: 'ખુશહાલ જિંદગી એ વેર લેવાની શ્રેષ્ઠ રીત છે.'