'' પંખી પર ફેંકેલો પથ્થર જયારે હૃદયને વાગે ત્યારે બની શકાય કલાપી - ડૉ હર્ષદેવ માધવ ''

પરમ આદરણીય કવિરાજ શ્રી,અનિલભાઈ
રાજવી કવિ કલાપીની 141-મી જન્મજયંતી મહોત્સવ તા: 24,25,26, જાન્યુઆરીએ બહુ આનંદપૂર્વક લાઠીમાં ઉજવાઈ ગયો, શ્રી,ગુજરાતી સાહિત્ય અકાદમી - ગાંધીનગર શ્રી, આરાધના ચેરીટેબલ ટ્રસ્ટ અને શ્રી, કલાપી તીર્થ સંગ્રહાલય - લાઠી દ્વારા આયોજિત પંચામૃત કાર્યક્રમની શુભ શરૂઆત નેક નામદાર ઠાકોર સાહેબ શ્રી, કીર્તિકુમારસિંહજી ગોહિલના વરદ હસ્તે દીપપ્રાગટ્ય કરીને કાર્યક્રમની શુભ શરૂઆત થઇ,

આ વર્ષથી રાજવી કવિ કલાપીની સ્મૃતિમાં રાજવી કવિ કલાપી એવોર્ડ આપવાનું શરુ થયું અને પ્રથમ એવોર્ડ, કવિશ્રી હર્ષદ ચંદારાણાંને તેમજ નાટ્યકાર શ્રી કાંતિ મડિયાની સ્મૃતિમાં કાંતિ મડિયા કલા-એવોર્ડ વરિષ્ઠ ચરિત્ર અભિનેતા શ્રી, શ્રીકાંત સોનીને લાઠીના ભામાશા અને હીરા-ઉદ્યોગપતિ શ્રી, મનજીભાઈ ધોળકિયાના શુભ હસ્તે એનાયત કરવામાં આવ્યો,

શ્રી, હર્ષદભાઈ ચંદારણાએ એવોર્ડની રાશી રૂ/-11,000 ની રકમ માં પોતાના તરફથી રૂ/-10,000 ઉમેરીને આયોજક શ્રી, આરધના ચેરીટેબલ ટ્રસ્ટને રૂ/-21000ની રકમ ભેટ આપી ટ્રસ્ટની પ્રવૃતિને અને આયોજકોને બિરદાવ્યા હતા

તેમજ હિન્દી ત્રી-માસિક વિશ્વાંજલિ મેગેજીનનું લોકાર્પણ શેઠ શ્રી, મનજીભાઈ ધોળકિયાએ કર્યું મેગેજીનના તંત્રીશ્રી, સુશીલ ઓઝાએ જણાવ્યું હતુ કે ગુજરાતના લોકપ્રિય કવિના જીવન કવન પર શ્રી, રાજેશ પટેલ દ્વારા લખાયેલા અભ્યાસ પૂર્ણ આર્ટીકલ દ્વારા હિન્દી ભાષી સાહિત્યપ્રેમીઓને કવિ કલાપીની પરિચય થશે અને કલાપીનું સાહિત્ય રાષ્ટ્રીય કક્ષાએ પહોચશે, તેમણે બહુ સરસ પ્રયાસ કરીને અંક પ્રગટ કર્યો છે.

અને લાઠીમાં શ્રી, કલાપીતીર્થ સંગ્રહાલયના સ્વપ્નદ્રષ્ટા અને કવિ શ્રી, પી.કે.ગઢવીસાહેબ તેમજ તીર્થના મુખ્યદાતા શ્રી મનજીભાઈ ધોળકિયાનું સમસ્ત લાઠીના નગરજનો વતી ઠાકોરસાહેબ શ્રી, કીર્તિકુમારસિંહજીના વરદ હસ્તે વિશિષ્ઠ સન્માન કરવામાં આવ્યું અને ઋણસ્વીકાર કરવામાં આવ્યો !!

ડો.ધનવંત શાહ લિખિત, રાજેશ પટેલ નિર્મિત સુરેશ જોશીના સંગીત સાથે વનરાજ ખસિયા દિગ્દર્શિત,અભિનીત '' રાજવી કવિ કલાપી '' નાટકનું મંચન થયું વિશાલ આકાશ નીચે 6000 - આસપાસની જનમેદની વચ્ચે લાઠીના આ રાજવીને ફરી જીવંત જોવાનો લ્હાવો મુખ્ય મહેમાન શ્રી, જનકકુમારસિંહજી ગોહિલ શ્રી,મહેન્દ્રસિંહજી ગોહિલ,રાજકુમારી શ્રી,ચંચલાબા તેમજ રાજવી પરિવાર અને શ્રી, ભરતભાઈ ડેર, પ્રો.ગુણવંતભાઈ વ્યાસ શ્રી, ભરતભાઈ એચ ડેર, શ્રી, દિનેશભાઈ ભૂવા, શ્રી, જીતુભાઈ ડેર,શ્રી, ભરતભાઈ બસિયા,શ્રી,વલ્લભભાઈ રીબડીયા શાયર, ડૉ મનોજ જોશી તેમજ અનેક નામી અનામી મહાનુભાવોએ લીધો નાટકની ખુબ ખુબ પ્રશંસા કરી, અને કલાપીજીને યાદ કર્યા

રાજવી કવિ કલાપીનું સમગ્ર જીવન વૃતાંત મુંબઈના વરિષ્ઠ પત્રકાર શ્રી, કિશોર વ્યાસ રચિત '' યાદી ઝરે છે આપની '' નવલકથાનું વિમોચન કલાપીના પ્ર-પોત્ર અને હાલના ઠાકોરસાહેબ શ્રી, કીર્તિકુમારસિંહજીના વરદ હસ્તે કરવામાં આવ્યું એકદમ સરળ,અને રસાળ શૈલીમાં આલેખાયેલી આ નવલકથા કલાપીના લાખો ચાહકોને બહુ આનંદ અને તેમના જીવન વિષે સાચી સમજ આપશે કોઈ કવિના જીવન પર લખાયેલી આવી સુંદર નવલકથા વિષે સોશિયલ મીડિયા પર બહુ ઇન્તેઝાર અને ઉત્કંઠા હતી,

આ નવતર પ્રયોગને બહોળો આવકાર મળશે જ અને ગુજરાતી સાહિત્યમાં ચોક્કસ સિમાચિહ્ન બનશે આ નવલકથાના વિમોચન પ્રસંગે શ્રી, હંસાબેન વ્યાસ, અભિનેત્રી શ્રી, કેયુરી શાહે પ્રાસંગિક ઉદબોધન કર્યું હતું અને શ્રી,રાજેશ પટેલે કિશોરભાઈની સર્જન પ્રક્રિયા વિષે સુંદર છણાવટ કરી હતી તેમજ, શ્રી કિશોરભાઈ વ્યાસે પોતાનો કલાપી પરિવાર સાથેનો પારિવારિક નાતો અને ઐતિહાસિક આધારભૂત માહિતી સાથે કલાપીને પ્રસ્તુત કરીને પોતાના દાદાશ્રી, જીવરામ નથુભાઈ વ્યાસનું ( રમાબાના અંગત કામદાર ) તર્પણ કર્યાનો ભાવ પ્રગટ કર્યો હતો.

કવિશ્રી,પ્રવીણ ગઢવીના પ્રમુખસ્થાને એક શામ કલાપીને નામ કવિ સંમેલનનું સુંદર આયોજન થયું તેમાં સર્વશ્રી, હર્ષદ ચંદારાણા, શ્રી મનોહર ત્રિવેદી, પ્રણવ પંડ્યા, સ્નેહલ જોશી, ભરત વિંઝુડા, દિલીપ વ્યાસ મહેન્દ્ર જોશી, સ્નેહી પરમાર અને બીજા કવિઓએ સુંદર કેકારવ જેવું કાવ્યગાન કરી લાઠીના સાહિત્ય પ્રેમી શ્રોતાઓને મંત્રમુગ્ધ કરી દીધા શ્રી,પરેશ મહેતાનું લાજવાબ સંચાલન એક યાદગાર સંભારણું બની રહયુ !!

લાઠીના હાઇસ્કુલ અને કોલેજ કક્ષાના વિદ્યાર્થીઓ માટે કલાપીક્વીઝ નું આયોજન કરવામાં આવ્યું હતું જેમાં 50-વિદ્યાર્થીઓ સહભાગી થયા કલાપીના જીવનકવન વિવિધ પ્રશ્નોના સચોટ ઉતર આપી વિદ્યાર્થીઓ એ પોતાનો કલાપી - પ્રેમ પ્રદર્શિત કર્યો તેમને સૌને યાદગાર મોમેન્ટો આપી સન્માનિત કરવામાં આવ્યા આ પ્રસંગે લાઠીના રાજકુમારી અને કાગલ-સ્ટેટ મહારાષ્ટ્રના રાણી સાહેબ શ્રી,ચંચલાબા ખાસ ઉપસ્થિત રહ્યા હતા અને વિદ્યાર્થીઓને શુભેચ્છાઓ આપી હતી

કલાપી તીર્થ સંગ્રહાલયમાં કલાપીની મૂર્તિને પુષ્પાંજલિ અર્પણ કરીને કલાપી વંદના કરી કાર્યક્રમની સમાપ્તિ કરવામાં આવી હતી

આ પ્રસંગે કલાપી જન્મ જયંતી નિધિ ની સ્થાપના કરવામાં આવી હતી જમા રકમના વ્યાજમાંથી દર વર્ષે લાઠીમાં આવા સુંદર આયોજનો નિયમિત થયા કરે તે માટે શેઠ શ્રી,મનજીભાઈ ધોળકિયાએ માતબર રકમ લખાવીને શુભ શરૂઆત કરાવી છે તેમજ તેમજ શ્રી,વલ્લભભાઈ રીબડીયા શાયર, ઠાકોરસાહેબ શ્રી કીર્તિકુમારસિંહજી તેમજ રાજકુમારીઓ શ્રી, પ્રીયાબા અને સંયુક્તાબા તેમજ અન્ય મહાનુભાવોએ સહભાગી થઇ અનુદાન આપ્યું છે, આપ સૌ મિત્રોને પણ આ યોજનામાં સહભાગી થવાની અપીલ શ્રી, આરાધના ચેરીટેબલ ટ્રસ્ટના પ્રમુખ શ્રી,ઇતેશ મહેતાએ કરી હતી

શ્રી,ગુજરાતી સાહિત્ય અકાદમી - ગાંધીનગર શ્રી, કલાપી તીર્થ સંગ્રહાલય અને,શ્રી આરાધના ચેરીટેબલ ટ્રસ્ટના પ્રમુખશ્રી ઇતેશ મહેતાએ સૌ સાથી કાર્યકર મિત્રો તેમજ દાતાશ્રીઓ નો આભાર માન્યો હતો, અહેવાલ - રાજેશ પટેલ

ગઝલની દિવેટે મળે છે કલાપી,સતત તેલ રૂપે બળે છે કલાપી,ભૂમિ તેજ્વંતી આ કલાપીનગરની અખંડ દિપ થઇ ઝળહળે છે કલાપી - શ્રી, હર્ષદ ચંદારાણા

નીચેની લીંક માંથી કાર્યક્રમના બધાજ ફોટો આપ જોઈ શકશો :-
https://www.facebook.com/media/set/?set=a.685023271618298.107374183...

ખુબ ખુબ આભાર સાથે આપનો સ્નેહાધીન : રાજેશ પટેલ