પ્રજ્ઞા દીપકભાઈ વશી 
કાર્ય સ્થળ - સુરત 
ઉપાધિ - M.A. B.ed.

પ્રથમ રચના ક્યારે લખી હતી અને કઈ ? તથા અત્યાર સુધીની પ્રકાશિત રચનાઓ ?
પ્રથમ રચના : ધોરણ દસમા હતી ત્યારે પ્રથમ કવિતા ગરબાના સ્વરુપમાં લખી હતી ,પછી લોકગીત -ભજન જેવા ગીતો લખેલા અને બાદ શિક્ષિકા તરીકે T and T.V. highschool માં સેવા આપવા લાગી અને ત્યારબાદ કવિઓના પરિચયમાં આવી નયન દેસાઈ ,બકુલેશ દેસાઈ જેવા કવિઓ પાસે હું ગઝલ ના છંદ શીખી તેમજ હઝલ (હાસ્ય રચના )લખતા શીખી ..

પ્રકાશિત કાવ્યસંગ્રહ 
1) સ્પંદન વન (કાવ્યસંગ્રહ)
2) આકાશે અક્ષર (ગઝલ સંગ્રહ)
3) શ્વાસ સજાવી બેઠા (ગીત - અછાંદસ- કાવ્ય સંગ્રહ)
4)ગઝલે સુરત (સુરતના કવિનો સંયુક્ત સંગ્રહ)
5)પિકનિક પર્વ (બાળગીત સંગ્રહ)
6)નિસ્બત (ગઝલ સંગ્રહ)
7)સાતત્ય (ગીત-ગઝલ આલ્બમ )
8)સત અસતને પેલે પાર (નવલકથા)
આ ઉપરાંત વાર્તા , નાટકો, હાસ્ય નિબંધ , લલિત નિબંધ તેમજ અનેક સામાયিક માં  લેખો પ્રકાશિત થાય છે .

ભાષા અને સાહિત્ય વચ્ચે શું સમન્વય ?
જે સમન્વય સાધન અને સાધ્ય વચ્ચે છે તે જ ભાષા અને સાહિત્ય વચ્ચે છે ,વૈચારિકતા જો સાહિત્ય હોય તો એ ભાષાનાં માધ્યમ દ્વારા વ્યકત થઈ શકે . તમારા વિચારો ને વાચા -આકાર  આપવાનું કામ ભાષા કરે છે .

તમને ગમતા સાહિત્યના પ્રકારો કે શૈલી...
સાહિત્ય પ્રકાર માં પ્રથમ કવિતા મને ગમે છે . કવિતામાં ગઝલ ,ગીત ,અછાંદસ ,મુક્તક ખૂબ ગમે છે . પ્રકૃતિ, માનવ ,સ્ત્રી,બાળક ,જીવન  વગેરે જેવા વિષય ઉપર સરળ શૈલી માં લખવું ગમે છે .

તમારા  મતે કવિતા એટલે ?
કવિતા એટલે ઊર્મિ ,સંવેદન -સ્પંદનો ,કલ્પના ની ભોંય ઉપર પરિપ્લાવિત થવાની ક્ષણનો આકાર એટલે કવિતા 
ઉર્મિ -સંવેદનનું સાકાર સ્વરુપ એટલે કવિતા ..

તમારી પ્રકાશિત રચનાઓ અને આવનાર રચનાઓ વિશે જણાવશો .

હવે મારા જ પુસ્તકો તૈયાર થઈ રહ્યા છે .હાસ્ય નું ,નિબંધનું , હઝલનું , એકાંકીનું ગુજરાતમાં મારા વક્તવ્ય ચાલી  રહ્યા છે .જેના વિષય નારી , વ્રુધ્ધો ,બાળકો , શિક્ષણ , સમાજલક્ષી પ્રશ્નો છે . આ વક્તવ્ય પણ પુસ્તક સ્વરૂપે હવે આવશે .આ વક્તવ્યો પણ પુસ્તક રૂપે હવે આવશે .

"નારીની ગઈકાલ આજ અને આવતીકાલ" નામનું મારું પુસ્તક પ્રગટ થયું છે.જેમાં નારીનાં પ્રશ્નો ઉજાગર થયા છે.

"નિસ્બત" ગઝલસંગ્રહ અને "સત અસતને પેલે પાર " ebooks લોંચ થઇ છે.

સાહિત્ય ,સંગીત , શિક્ષણ અને સમાજસેવા એ મને  આજ સુધી લય અને પ્રાસ માં ઉછેરી છે 

જ્યાં સુધી શ્વાસ છે ત્યાં સુધી હું લખતી ,ગાતી રહીશ અને વક્તવ્યો આપતી રહીશ . બત્રીસ વર્ષ શિક્ષિકા અને આચાર્ય તરીકેની ફરજ બજાવી છે અને સાથે ધ્વનિ તેમજ ગતિ નામની બે દીકરીઓને પણ એમની મંઝિલ સુધી પહોચાડી છે એનો મને આનંદ અને ગૌરવ છે .મને દરેક ઉમ્મરનાં ઉત્તમ - ઠાવકા -સમજદાર મિત્રો પ્રાપ્ત થયા છે માટે હું ઇશ્વરની આભારી છું .
મારી પાસે પ્રેમાળ વિદ્યાર્થીવ્રૂંદ છે તેથી હું સભર છું .

Interview was taken by Jahnvi Mehta