Add your Book Reviews in comment box below

‘Wings of Fire’ (અગનપંખ) – ભારતના ભૂતપૂર્વ રાષ્ટ્રપતિ અને દેશનાં મિસાઈલ મેન APJ અબ્દુલ કલામની આત્મકથા. આ સફર છે - ભારતનાં છેવાડેનાં નાનકડા ગામમાં રહેતા એક છોકરાની દિલ્હીની રાષ્ટ્રપતિની ગાદી સુધીની સફર. એરફોર્સમાં ન જોડવવાથી હતાશ યુવાનની દેશનાં મહાન વૈજ્ઞાનિક બનવાની સફર! પણ આ ખાલી તેમની કથા જ નથી, જીવનનાં મર્મને સાદી ભાષામાં સમજાવેલો છે. વિજ્ઞાનએ આપણને ઈશ્વરથી જુદા નથી પાડતું પણ ઈશ્વરની રમત સમજવાનું જ્ઞાન છે. – આ વાતની આ પુસ્તકમાં તમને વારંવાર અનુભૂતિ થશે. એક વૈજ્ઞાનિકની કથા હોવા છતાં આ પુસ્તકમાં બધાં એવા પાસાં છે જે જીવનનાં કોઈક સમયે આપણને સ્પર્શે કે સ્પર્શ્યા હશે. પુસ્તકમાં કહેવાયુ છે કે આપણે જે કંઈ પણ શીખીએ છે તે કદી ફોગટ નથી જતું, ક્યારેક તો ઉપયોગમાં આવે જ છે. આ પુસ્તકનું પણ એવું જ છે. તેને વાંચીને એક નવી ઊર્જા, નવી પ્રેરણા, એક નવી ઊમ્મીદ કે નવા વિચારો મનમાં ઉદભવે નહીં તો જ નવાઈ.!